بابا گور ونانک دے 550ویں جمنڑ ڈینھ دے موقع تے خصوصی سکہ،ڈاک ٹکٹ اتے کرتارپورراہداری سکھ قوم سانگے وزیراعظم عمران خان ولوں انمول تحفہ اے، ،گورنر پنجاب چوہدری محمد سرور

APP61-12 NANKANA SAHIB: November 12 – Governor Punjab Chaudhry Muhammad Sarwar addressing on the occasion of 550th birth anniversary of Guru Nanak Dev in Nankana Sahib, Guru Nanak was the founder of the religion of Sikhism and the first of ten Sikh Gurus. His birth is celebrated worldwide as Guru Nanak Gurpurab on Kartik Pooranmashi, the full-moon day in the month of Katak, October–November. APP Photo by Mustafa Lashari

ننکانہ صاحب۔12 نومبر(اے پی پی )گورنر پنجاب چوہدری محمد سرور آکھیا جو بابا گور ونانک دے 550ویں جمنڑ ڈینھ دے موقع تے خصوصی سکہ،ڈاک ٹکٹ اتے کرتارپورراہداری سکھ قوم سانگے وزیراعظم عمران خان ولوں انمول تحفہ اے،بابا گور و نانک یونیورسٹی دا منڈھ بدھ ڈتا گے اتے کرتارپورراہداری کروڑاں سکھاں دے دلاں اچ پاکستان اتے مسلماناں دی محبت ودھائی اے،ڈوجھے ملکاں توں آونڑ آلے سکھ یاتریاں سانگے ملٹی پل ویزا جاری کرنڑ دی کوشش کریندے پیوں،جنم استھان اچ آونڑ آلے یاتریاں کوں پوری سہولتاں ڈتیاں ویسن۔اے گالھیں انہاں منگل کوں ننکانہ صاحب اچ باباگورونانک دے 550ویں جمنڑ ڈینھ دی مرکزی تقریب نال خطاب کریندیں ہوئیں آکھی۔وفاقی وزیر داخلہ بریگیڈیئر (ر) اعجاز احمد شاہ ،وفاقی وزیر برائے مذہبی امورپیر نو را لحق قادری،چیئرمین متروکہ وقف املاک بورڈ ڈاکٹر عامر احمد ، بھارتی سکھ رہنماءسردار پرمجیت سنگھ سرنا ،سردار جتندر سنگھ ورک ،سوہن سنگھ خالصہ ،سیکرٹری بورڈ طارق وزیر ،ایڈمنسٹریٹر ننکانہ وہاب گل ،کرنل (ر)غفور ارشد ،عمران گوندل ،فراز عباس ،ترجمان بور ڈعامر حسین ہاشمی ،ڈپٹی کمشنر ،ڈی پی او ننکانہ ،ہندو رہنماءڈاکٹر منور چاند ،بیگم گورنر پنجاب سمیت پوری دنیا توں آئے سکھ رہنماءاتے مختلف سیاسی،مذہبی تے اقلیتی رہنماﺅاں دی وڈی تعداد شریک تھئی۔