مظفرگڑھ ۔ 21 نومبر (اے پی پی)بال نہ جمنڑ تے گھر آلے اپنڑی ذال کوں قتل کرڈتے۔ تفصیل دے مطابق علی پور دے رہنڑ آلی شمشاد مائی دے پیو محمد علی ببر تھانڑاں کندائی کوں درخواست ڈتی اے جیندے اچ اے الزام لاتاگئے جو دریا توں پار کچے دے علاقے موضع بیٹ میر احمد جھبیل دے رہنڑ آلا اللہ ڈتہ گبول دی شادی ترائے سال پہلے ایندی دھی شمشاد مائی نال تھئی تے وٹے اچ اللہ ڈتہ دی بھینڑ سسی مائی دا رشتہ ایندے پتر خلیل احمد نال تھیا جیں دی رخصتی گھٹ عمر پاروں حالی تئیں نہ تھئی ۔ اللہ ڈتہ گبول شمشاد مائی کوں بال نہ جماونڑ تے فائر مار تے قتل کرڈتا تے خود خاندان سمیت موقع توں بھج گئے پولیس لاش کوں رورل ہیلتھ سنٹر سیت پور پٹھ ڈٹے ، جتھاں پوسٹمارٹم دے بعد لاش وارثاں دے حوالے کرڈتی گی۔پولیس تھانڑاں کندائی محمد علی دی مدعیت اچ ملزماں دے خلاف مقدمہ درج تے کاروائی شروع کرڈتی اے ۔
