ڈھاکہ ۔ 12 نومبر (اے پی پی) بنگلہ دیش اچ منگل کوں ڈو مسافر ریل گاڈیاں وچال ٹکر پاروں گھٹ توں گھٹ 15بندے ہلاک تے بہوں سارے زخمی تھی گن ۔اے حادثہ ضلع براہمن بریا اچ پیش آئے۔پولیس ڈسائے جو وڈے ویلھے تقریبا ڈو وجے ادین ایکسپریس پلیٹ فارم تے پجنڑ آلی ہئی جو ڈوجھی ریل گاڈی نال ٹکرا گی ،جیں ریل گاڈی دے ڈو ڈبیں کوں ودھ سارا ضیان پجائے ،حادثے اچ گھٹ توں گھٹ 15 لوکاں دی موت تھی گئی اے ۔ضلع پولیس سربراہ حادثے اچ 15لوکاں دے ماریے ونجنڑ دی تصدیق کریندے ہوئیں آکھیے جو کجھ زخمیاں دی حالت نازک اے جیں پاروں اے تعداد ودھنڑ دا ڈر اے ۔انہاں آکھیے جو امدادی کم جاری دے حادثے دی وجہ دا حالی تئیں پتہ نی لگ سگیا ۔
