نئی دہلی۔ 14نومبر(اے پی پی) بھارتی دارلحکومت نئی دہلی اچ فضائی آلودگی دی سطح اچ خطرناک حد تئیں ودھارے پاروں سارے سرکاری تے پرائیویٹ سکول ڈو ڈینھ کیتے بند کرڈتے گن ۔بھارتی ذرائع ابلاغ دے مطابق نئی دہلی اچ فضائی آلودگی دی سطح ودھنڑ دے بعد انوائرمنٹ پولیوشن اینڈ کنٹرول اتھارٹی (ای پی سی اے ) سکولاں کوں بند رکھنڑ دا آکھیا ہئی ایندے بعد نئی دہلی دے نائب وزیر اعلی منیش سسودیا ٹویٹ کیتے جو آلودگی ودھنڑ پاروں سارے سرکاری تے پرائیویٹ سکول خمیس تے جمعے کوں بند رہسن ۔
