بین الاقوامی ترقیاتی ادارے پاکستان اچ پولیودے خاتمے سانگے 2.06 بلین ڈالرڈیسن ،وزیراعظم دے معاون خصوصی برائے صحت ڈاکٹر ظفر مرزا دی ابو ظہبی اچ بل گیٹس نال ملاقات

اسلام آباد ۔ 20 نومبر (اے پی پی) وزیراعظم دے معاون خصوصی برائے صحت ڈاکٹر ظفر مرزا ’ ابو ظہبی اچ بل گیٹس نال ملاقات کیتی،ایں ملاقات اچ بل گیٹس پاکستان دی حکومت دی بیماریاں دے خاتمے سانگے کیتی ونجنڑ آلی کوششاں دی تعریف کیتی۔ملاقات اچ معاون خصوصی برائے صحت ڈاکٹر ظفر مرزا پولیو دے خاتمے اتے ٹیکہ جات پروگرام دی تفصیل ڈسی۔بل گیٹس آکھیا جو پاکستان توں بیماریاں دے خاتمے سانگے تعاون کریندے رہسوں۔بین الاقوامی ترقیاتی ادارے پاکستان اچ پولیودے خاتمے سانگے 2.06 بلین ڈالرڈیسن۔ پولیو دے اعلیٰ سطحی اجلاس سانگے معاون خصوصی برائے صحت ڈاکٹر ظفر مرزاابوظہبی اچ ہن جتھاں او ناروے دے نائب وزیر اکسل جیکوسن، ڈائریکٹر سی ڈی سی رابرٹ ریڈ فیلڈ، صدر بل گیٹس اینڈ ملنڈا فاو ¿نڈیشن کرس ایلس نال وی ملاقات کیتی۔