ترکی دی کامیابی تے دشمن پریشان ہن ، ترک صدر

انقرہ۔ 21 نومبر (اے پی پی) ترکی دے صدر رجب طیب اردوان آکھیے جو اجوکے کجھ سال اچ شام، عراق، مشرقی بحیرہ روم، پناہ گزیناں اتے بہوں سارے معاملات اچ گھدے دے نتائج ہک وڈی کامیابی اے ۔ ترک نشریاتی ادارے دے مطابق صدر اردوان آق پارٹی دے مرکزی دفتر اچ منعقدہ اجلاس نال خطاب کریندے ہوئیں آکھیا جو ترکی ایں وقت سلامتی توں گھن تے اقتصادیات تئیں بہوں سارے محاذ تے ہکے ویلھے بقا دی جنگ لڑدا پئے ،انہاں خطریں نال نبڑنڑ اچ اساکوں کہیں قسم دی اوکھ کائنی ۔انہاں آکھیے باہرلیاں طاقتاں اساڈی معیشت تے حملے کریندیاں پن اساں گھٹ مدت اچ انہاں دے منصوبیں کوں ناکام بنڑائے تے اگی تے ودھدے پیوں ،انہاں آکھیے جو دمشن اساڈے وطن دی کامیابی تے پریشان ہن جنہاں کوں جھکا ڈکھالنڑ اساں کیتے اعزاز اے ۔صدر ڈسائے جو سال 2020اچ شرح سود مزید ڈھہہ ویسی۔