ترک شہر انطالیہ اچ اجوکے سال 15 ملین سیاحواں دی آمد دا نواں ریکارڈ

استنبول ۔ 25 نومبر (اے پی پی) ترک شہر انطالیہ اچ ایں سال 11مہینے اچ 15 ملین غیر ملکی سیاح ٹر آئن جیرھا جو ہک ریکارڈ اے،ایں شہر کوں 193ملکاں دے سیاح ترجیح ڈیندن ۔ 2018 ءاچ 13 ملین توں ودھ سیاح انطالیہ آئے ہن ۔انطالیہ دے محکمہ سیاحت تے ثقافت دے مطابق 11 مہینے اچ اتھاں آونڑ آلے غیر ملکی سیاحواں دی تعداد ساڈھے 15ملین توں ودھ رہی ۔انطالیہ جیں کوں ترکی دے سیاحتی دارالحکومت دی حیثیت مل گئی اے دے ڈو ہوائی اڈیں تے لینڈنگ کرنڑ آلے سیاحواں دی کل تعداد 14 ملین 9 لکھ (1 کروڑ 49 لکھ) توں ودھ ہئی۔