ملتان ۔ 16 نومبر(اے پی پی)چوتھی جیپ ریلی دو دوجھا مرحلہ مکمل تھی گئے۔ریلی اچ ڈو تریمت ریسرز سلمیٰ خان اتے زویا معین اچ مقابلہ تھئے بھل ڈوہاں دیاں گاڈیاں ٹھاکنڑ نال زویا معین دی گاڈی کون بھاءلگ گئی، امدادی ٹیماں تریمت ریسر کوں تاں کڈھ گھدے بھل انہاں دی گاڈی سر گئی۔زویا معین کوں بیہوشی اچ نشتر ہسپتال ملتان منتقل کر ڈتا گئے جتھاں انہاں دی حالت خطرے توں باھرو اے۔ڈوجھے مرحلے اچ تریمیتں اتے سٹاک کیٹگری اچ مقابلے تھین۔جیپ ریلی دے سٹاک کیٹگری اچ 50 ریسرز اتے خواتین کیٹگری دی 2 ریسرزدے مقابلے تھین۔مظفرگڑھ توں لیہ تئیں 195 کلومیٹر لمبے صحرائی ٹریک تے گاڈیان دی دروک ڈیکھنڑ کیتے وڈی تعداد اچ شوقین تھل دے صحرا ءپجین اتے جنگل اچ منگل مچ گئے۔ریلی دے دوسرے مرحلے اچ وزیر اعلی پنجاب دے مشیر سردار خرم لغاری وی حصہ گھدے۔سارے ریسرز مقررہ ٹریک کراس کرتے مظفرگڑھ پجین۔اج(آڈت) کوں تھل جیپ ریلی دے چھیکڑی ڈینہہ پری پیئرڈ کیٹگری دے مقابلے تھیسن جیندے اچ عالمی شہرت یافتہ ریسرز نادر مگسی اتے صاحبزادہ سلطان، اسد کھوڑوسودھے 51ریسرز حصہ گھنسن ´۔ چھیکڑتے نتائج ڈسائے ویسن۔
