جاپان، ہاگی بیس طوفان پاروں ضیان دا تخمینہ 2.3 ارب ڈالرتوں ودھ گئے

ٹوکیو ۔ 6 نومبر (اے پی پی) جاپان دی وزارت زراعت آکھیے جو سمندری طوفان ہاگی بیس تے ودھ سارے مینھ وسنڑ پاروں زراعت ، جنگلات اتے ماہی گیری دیاں صنعتاں کوں تھیونڑ آلے ضیان دا تخمینہ 200 ارب ین (1.8 ارب ڈالر) توں ودھ گے ۔ جاپانی ذرائع ابلاغ دے مطابق وزارت زراعت توں جاری کیتی گئی رپورٹ اچ آکھیا گے جو اکتوبر دے ادھ تئیں آونڑ آلے ہاگی بیس تے ایندے ہفتے بعد ودھ سارے مینھ وسنڑ پاروں مالی ضیان دے اعداد شمار دے مطابق آبی ذخائر تے نالیں سمیت گھٹ توں گھٹ 14 ہزار زرعی سہولتاں کوں ضیان تھئے ،اینکوں ولا بنڑاونڑ دا تخمینہ 75 کروڑ ڈالر دے نیڑے لاتا گے تے بئی زرعی مصنوعات کوں تقریباً 11 کروڑ ڈالر دا ضیان پجے۔ماہی گیری کیتے استعمال تھیونڑ آلیاں بندرگاہیں تے بیاں تنصیبات کوں تھیونڑ آلے ضیان دا تخمینہ 9 کروڑ 30 لکھ ڈالر لاتا گئے۔