لاہور۔13 نومبر(اے پی پی )وزیراعلیٰ آفس اچ وزیر اعلیٰ عثمان بزدار دی صدارت اچ سمال ڈیمزبنڑاونڑ بارے خصوصی اجلاس تھیا۔جئیں اچ ڈیرہ غازی خان اتے راجن پور اچ رودکوہیاں توں متاثر تھیے علاقیاں اچ مرحلہ وار 13ڈیم بنڑاونڑ دی تجویز ڈتی گئی اتے پہلے مرحلے اچ ڈیرہ غازی خان اچ ست چھوٹے ڈیمز بنڑاونڑ دے منصوبے تے غور کیتا گیا۔وزیراعلیٰ اجلاس نال خطاب کریندیں ہوئیں آکھیا جو جنوبی پنجاب اچ کوہ سلیمان دے علاقیاں اچ فلڈ مینجمنٹ سانگے ہل ٹورنٹ ڈیم بنڑیسوں۔ڈےرہ غازی خان اچ 200توں ودھ ہل ٹورنٹ سےلاب دی تباہ کارےاں دا باعث بنڑدے پن۔سوڑا،سنگھڑ،سوری لنڈ، وہواسمےت بئی رودکوہیاں تے ڈیم بنڑاونڑ سانگے موزوں جہیں ہن پیاں۔ڈیم بنڑنر نال فلڈ منیجمنٹ پلان تے عمل تھی سگسی۔ چشمہ رائٹ بےنک کےنال،ڈی جی خان کےنال اتے کچھی کےنال کوں وی تحفظ ملسی۔بریفنگ اچ ڈسیا گیا جو ہر چھوٹے ڈیم بنڑنڑ تے اوسط 4توں15ارب روپے تئیں دی لاگت امسی۔صوبائی وزیر آبپاشی محمد محسن لغاری، پرنسپل سیکرٹری وزیراعلیٰ، سیکرٹریز خزانہ، آبپاشی، منصوبہ بندی تے ترقیات، اطلاعات اتے نیسپاک دے ماہرےن اجلاس اچ شرکت کیتی۔
