اسلام آباد ۔ 8 نومبر (اے پی پی) ریلوے دے وفاقی وزیر شیخ رشید احمد اپوزیشن تے تنقید کریندے ہوئیں آکھیے جو ساسمجھ سیاستدان مسئلہ کشمیر تے کرتاپور راہداری دے مثبت اثرات کوں نی سمجھ سگدے ۔جمعے کوں ہک نجی ٹی وی تے گال مہاڑ کریندے ہوئیں وفاقی وزیر ریلوے شیخ رشید آکھیا جو سکھ یاتریاں کیتے بابا گرو نانک دے جمنڑے دے ڈینھ دے موقع تے بغیر ویزہ کرتار پور صاحب آمد دی سہولت نال عالمی سطح تے پاکستان دا امن نال محبت کرنڑ آلا اصل چہرہ متعارف تھیسی ۔انہاں آکھیے جو اپوزیشن رہنماواں کوں اے گال سمجھنڑیں چاہیدی اے جو حکومت دے خلاف کوڑے تے آپوں گھڑیے الزام نال قوم کوں مزید بے وقوف نی بنڑایا ونج سگدا ۔شیخ رشید احمد آکھیے جو وزیراعظم عمران خان برصغیر دے او واحد رہنما ہن جیں نال بر صغیر دیاں بیاں ریاستاں دے عوام وی محبت کریندن کیوں جو انہاں سکھ عوام کیتے بابا گرو نانک دی 550 ویں سالگرہ تے ہک یادگار تے قیمتی تحفہ ڈتے۔
