دنیا مستقبل دیاں نسلاں دے تحفظ کیتے ایٹمی ہتھیاراں تے ڈوجھی نظر پاوے، پوپ فرانسس

ٹوکیو۔ 25 نومبر (اے پی پی) کیتھولک چرچ دے سربراہ پوپ فرانسس آکھیے جو دنیا مستقبل دیاں نسلاں دے تحفظ کیتے ایٹمی طاقت تے انحصار تے ڈوجھی نظر پاوے، قدرتی وسائل دے رپامن استعمال تے مستقبل دی توانائی دیاں ضرورتاں دے سلسلے اچ اہم فیصلے کرنڑیں ہوسن ، خود غرض فیصلے نی کرنڑیں چاہیدے کیوں جو اپنڑیاں آندیاں نسلاں دے حوالے نال اساں تے ودھ ساری ذمے واری اے ،سنوار کوں اتھاں 2011دے ایٹمی سانحے دے متاثرین نال ملاقت کریندے ہوئیں انہاں آکھیا جو جاپان ایٹمی تباہ کاریاں دا ساریں توں ودھ شکار تھئے ،جاپانی کیتھولک بشپس وی فوکو شیما ایٹمی پاور پلانٹ دے حادثے دے بعد ایٹمی بجلی گھراں کوں بند کرنڑ دا مطالبہ کیتا ہئی ۔پوپ آکھیے جو اساکوں قدرتی وسائل دے پر امن استعمال تے مستقبل دی توانائی دیاں ضرورتاں دے سلسلے اچ اہم فیصلے کرنڑیں ہوسن ۔اپنڑے دورہ جاپان دے دوران پوپ امریکی اٹیم بماں توں تباہ شدہ شہراں ہیروشیما تے ناگاساکی دا وی دورہ کیتے تے شہنشاہ نورو ہیٹو نال ملاقات کیتی ۔انہاں نینگراں دی ہک ریلی اچ وی شرکت کیتی۔