فیصل آباد ۔ 26 نومبر (اے پی پی) ربیع الثانی1441 ھ دا چندر ڈیکھنڑ کیتے رویت ہلال کمیٹی دا اجلاس اج 27نومبر بدھ بمطابق 29 ربیع الاول دی شام مغرب ویلھے سڈیا گے جڈاں جوماہرین فلکیات چندر کل 28 نومبر خمیس بمطابق 30 ربیع الاول کوں نظر آونڑ تے یکم ربیع الثانی جمعہ 29 نومبر کوں تھیونڑ دی پیشگوئی کیتی اے ۔ محکمہ مذہبی امور دے ذرائع ڈسائے جو مرکزی روئت ہلال کمیٹی دا اجلاس مرکزی چیئرمین روئت ہلال کمیٹی پاکستان مفتی منیب الرحمن دی سربراہی اچ میٹ کمپلیکس کراچی اچ تھیسی جڈاں جو زونل روئت ہلال کمیٹیاں دے اجلاس مقررہ وقت تے لاہور، کوئٹہ، پشاور اچ تھیسن جیں اچ شرعی روئت دے مطابق چندر نظر آونڑ یا نہ آونڑ دا فیصلہ کیتا ویسی ۔
