اسلام آباد ۔ 12 نومبر (اے پی پی) پاک بحریہ دے ترجمان آکھیے جو ریئر ایڈمرل زبیر شفیق کوں پاک بحریہ دا کمانڈر سنٹرل پنجاب تعینات کرڈتا گے ۔ ترجمان پاک بحریہ دے مطابق کمانڈر سنٹرل پنجاب دی تبدیلی دی تقریب لاہور اچ تھئی اے ۔ ریئر ایڈمرل زبیر شفیق ریئر ایڈمرل زاہد الیاس توں کمانڈر سنٹرل پنجاب دا چارج گھدا۔ ریئر ایڈمرل زبیر شفیق یادگار شہداءتے پھلاں دی چادر چڑھائی تے فاتحہ خوانی کیتی۔ ایندے توں پہلے او ڈپٹی چیف آف نیول اسٹاف (پرسنل) دے فرائض سر انجام ڈیندے پئے ہن۔ کمانڈ تبدیلی دی تقریب اچ پاک بحریہ دے سینئر افسران اتے نینگراں شرکت کیتی ۔
