ریاض ۔ 26 نومبر (اے پی پی) سعودی عرب دے ہک شہری تے قسمت دی دیوی اوں ویلھے مہربانی تھئی جڈاں امریکی نیلام گھر اچ بھاہ نال سڑی پرانڑیں کار دی بولی 30لکھ ریال لگی۔ سعودی اخبار دے مطابق بھاہ لگنڑ پاروں گاڈیاں دے برباد تھیونڑ تے سعودی شہری طے کر گھدا ہئی جو اینکوں پرانڑیاں گاڈیاں دے کباڑ خانے (مرکز التشلیح) دے حوالے کر تے جان چھڑویسی ۔بعد اچ سعودی شہری گاڑی کوں التشلیح دے حوالے کرنڑ دا ارادہ بدال تے اینکوں امریکا دے بین الاقوامی نیلام گھر اچ نیلامی کیتے پیش کرنڑ دا فیصلہ کیتا ۔نیلامی اچ اینکوں احساس تھیا جو بھاہ نال برباد تھیونڑ آلی گاڈی کتنی قیمتی تے نایاب گاڈیاں اچوں ہک اے ۔پوری دنیا اچ ایں ماڈل دیاں صرف 34 گاڈیاں موجود ہن تے نیلامی اچ ایں کار دی بولی 30 لکھ ریال لگی۔ واضح رہے جو امریکی کارساز کمپنی1961 اچ اے گاڈی بنیادی طور تے کمپنی دے ہک وڈے صارف کیتے تیار کیتی ہئی تے ایندے اچ ریسنگ کار انجنڑ لگیا ہویا اے ۔
