سعودی عرب،دھیریں دی شادی دیر نال کرنڑ تے سزا دی چتاونڑیں

ریاض ۔ 8 نومبر (اے پی پی) سعودی عرب دے انسانی حقوق کمیشن ماءپیو کوں چتاونڑیں ڈتی اے جو دھیریں دی شادی اچ دیر نہ کیتی ونجے ۔سعودی نشریاتی ادارے دے مطابق سعودی انسانی حقوق کمیشن آکھیے جو ایجھے ماءپیو انسانی حقوق دی خلاف ورزی دے مرتکب تھیندن جیرھے دھیریں دی شادی دیر نال کریندن ۔ایندے نال تریمتاں دا استحقاق مجروح تھیندے تے اساڈے مذہب اچ وی دھیریں دی شادی دیر نال نہ کرنڑ دا آکھیا گے ۔کمیشن آکھیے جو سعودی قانون دے مطابق ایجھا کرنڑ آلے والدین دے خلاف کاروائی تھی سگدی اے ۔ شرعی قانون دے مطابق ایجھیاں تریمتاں جنہاں دی اپنڑی شادی دے حوالے نال ماءپیو ولوں ایجھے رویے دا سامنڑاں ہووے او مقدمہ درج کروا سگدین ۔انسانی حقوق کمیشن متعلقہ حکام کوں ہدایت کیتی اے جو او تریمتاں دے حقوق متعلق شعور ڈیون تے قواعد دی خلاف ورزی کرنڑ آلے ماءپیو تے جرمانے لاتے ونجن ۔