اسلام آباد ۔ 28 نومبر (اے پی پی) وزیر خارجہ شاہ محمود قریشی چیف آف آرمی سٹاف دی مدت ملازمت اچ توسیع بارے سپریم کورٹ دے فیصلے دا خیر مقدم کریندے آکھیے جو اے ہک چنگاں اقدام اے،پاکستان کوں بے یقینی اچ رکھنڑ ملک کیتے چنگاں نہ تھیوے ہا۔ہک بیان اچ انہاں آکھیے جو اجوکی داخلی اتے خارجہ صورتحال اچ سپہ سالار دا معاملہ لڑکاونڑمناسب نہ ہا بھل عدالت ویلھے تے درست فیصلہ کیتے۔ انہاں آکھیے جو توسیع یا تعیناتی دا معاملہ واضح ہے اتے وزیر اعظم دااختیار اے کیوں جو اے ہک ایگزیکٹو کم اے،ایندے تے پارلیمنٹ وی رائے ڈے چکی اے،اساں عدلیہ دی ایندے تے صرف معاونت کیتی اے۔انہاں آکھیے جو اے پارلیمنٹ دی خودمختاری دامسلہ اے،شکر اے جو اے مسلہ حل تھی گئے جیکر آرمی رولز ریگولیشنزاچ تبدیلی دی لوڑھ پئی تاں ایکوں ڈٹھا ویسی۔شاہ محمود قریشی آکھیے جواساں دشمناں کوں کھلنڑ دا موق نہ ڈیسوں،ساڈے اتحادی اتے اپوزیشن وی ملک اچ استحکام اتے جمہوریت دے تسلسل کیتے حکومت دا ہتھ ونڈیسن۔
