اسلام آباد ۔ 26 نومبر (اے پی پی) سپیکر قومی اسمبلی اسد قیصر اتے ڈپٹی سپیکر قاسم خان سوری ڈی آئی خان تحصیل پروا دے علاقے رمک اچ ٹریفک حادثے اچ قیمتی جاناں دے ضیاں تے ودھ سارے ڈکھ تے افسوس دااظہار کیتے ۔ سپیکر اتے ڈپٹی سپیکر متاثرہ خانداناں نال دلی ہمدردی دا اظہار اتے زخمیاں کوں بہترین طبی امداد دی فراہمی دی ہدایت کیتی اے ۔ سپیکر و ڈپٹی سپیکر اللہ تعالی توں مرحومین دے درجات دی بلندی، زخمیاں دی وختی چنگی صحت تے لواحقین کوں ایں ناقابل تلافی ضیان کوں برداشت کرنڑ کیتے صبر دی دعا کیتی ۔
