اسلام آباد ۔ 07نومبر(اے پی پی) چیئرمین سینیٹ محمد صادق سنجرانی سینےٹ دے ملازمین کوںادارے دا اثاثہ قرار ڈیندے ہوئے ملازمین دی بہتری کیتے اپنڑی تنخواہ توں ہر مہینے 20ہزار روپے بہبود فنڈ ڈیونڑ دا اعلان کیتے۔اے اعلان انہاں سینیٹ سیکرٹریٹ ملازمین دے بہبود فنڈ دی ایگزیکٹو کمیٹی اجلاس نال خطاب اچ کیتے اتے آکھیے جو پارلیمانی اداریاں دے کم سانگے ملازمین دی فلاح و بہبودبہوں اہم اے،ایندے کیتے اراکین سینیٹ دل کھول تے عطیات ڈیون۔ انہاں ملازمین دی مالی معاونت دی درخواستاں دا وی جائزہ گھدا۔سیکرٹری سینیٹ محمد انور اتے سینیٹ سیکرٹریٹ دے اعلیٰ حکام فنڈ دی موجودہ صورتحال اتے بئے امور تے بریفنگ ڈتی۔ سینیٹرز اعظم سواتی، مصطفیٰ نواز کھوکھر اتے ثناءجمالی وی اجلاس اچ موجود ہن۔
