شارجہ ۔ 19 نومبر (اے پی پی) متحدہ عرب امارات دی ریاست شارجہ اچ گاڈیاں دیاں وکھریاں نمبر پلیٹاں دے چرچے ہن ۔مقامی شہریاں تے غیر ملکیاں ودھ چڑھ تے نیلامی اچ حصہ گھدا ،نمبر ون پلیٹ گھننڑ کیتے زبردست مقابلہ ڈیکھنڑ اچ آئے ۔اے پلیٹ 36 لکھ 10ہزار درہم اچ وک گئی ۔کاراں دیاں وکھریاں نمبر پلیٹاں مجموعی طور تے ہک کروڑ 34 لکھ 95 ہزار درہم اچ نیلام تھن ، مجموعی طور تے 50 نمبر پلیٹاں دی نیلامی تھئی اے ساریں توں وڈی بولی 9 نمبر دی پلیٹ دی لگی، ڈوجھی وڈی بولی 16 نمبر دی پلیٹ کیتے ہئی جیرھی 12لکھ درہم اچ وکی ۔ 88 نمبر دی پلیٹ دی بولی 10لکھ30 ہزار درہم لاتی گئی اے جڈاں جو 25 نمبر دی پلیٹ 10لکھ 20 ہزار درہم اچ وکی اے۔
