اسلام آباد ۔ 25 نومبر (اے پی پی) صدر مملکت ڈاکٹر عارف علوی نال ایوان صدر اسلام آباد اچ سوڈان دے پاکستان اچ سبکدوش تھیونڑ آلے سفیرتاغیلدین الہادی الطاہر ملاقات کیتی اے جیندے اچ پاکستان اتے سوڈان دے تعلقات،مختلف شعبیاں اچ تعاون دی نوعیت تے اعتماد دا اظہار کیتا گیا۔ایوان صدر موجب صرد مملکت سوڈانی سبکدوش سفیر کوں مقبوضہ کشمیر دی اجوکی صورتحال اتے بھارتی مظالم بارے ڈسایا اتے سوڈان توں اپیل کیتی جو او مسلہ کشمیر دے حل کیتے بھارتی مظالم اتے انسانی حقوق دیاں خلاف ورزیاں دے اقدامات جگ اچ بے نقاب کرنڑ کیتے پاکستان دا ہتھ ونڈاوے اتے انسانی حقوق دیاں خلاف ورزیاں روکوانڑ کیتے بھارت کوں قائل کرے۔انہاں ڈوطرفہ تعلقات،بالخصوص تجارت، دفاع اتے اقتصادی شعبیاں اچ گانڈھا ودھاونڑ دی خواہش کیتی اتے پیشکش کیتی جو پاکستان بینکنگ، میڈیکل، ٹیکسٹائل اتے زراعت دے شعبہ سودھے سوڈان اچ انفراسٹرکچر دی ترقی کیتے ہنرمند افرادی قوت ڈے سگدے۔ صدر مملکت پاکستان اچ تعیناتی دے دوران پاک سوڈان تعلقات دے ودھارے کیتے سبکدوش سفیر دی خدمات دی تعریف کیتی۔
