اسلام آباد ۔ 8 نومبر (اے پی پی)سدر مملکت ڈاکٹر عارف علوی آکھیے جو قدرتی ماحول دے تحفظ، گلوبل وارمنگ دے خطرے نال نمٹنڑاتے پانڑی دا زیان روکنڑ کیتے اقدامات دی لوڑھ اے۔اے گالھ انہاں اسلام آباد اچ انٹرنیشنل یونین کانفرنس دی اختتامی تقریب نال خطاب اچ آکھی۔انہاںا ٓکھیا جو قدرتی ماحول دا تحفظ ساکوں رل مل تے کم کرنڑان چاہیدے،جگ دی آبادی اچ پیداواری صلاحیتاں دا تناسب ودھاونڑدے نال نال ایندے کیتے عالمی سطح تے اقدامات ضروری ہین، ماحولیاتی تبدیلیاں چنتے دی گالھ ہین جیندے نال پاکستان وی ودھ متاثر تھیندا پئے،قدرتی حیاتیات کوں بچاونڑ کیتے فوری اقدامات کرنڑے چاہیدن،زرعی پیداوار ودھاونڑ، صاف پانڑی دی فراہمی، سمندراں اتے دریاواں دا تحفظ ہک عالمی مسلہ اے ، ودھدی آبادی کوں ڈیہدے ہوئے پانڑے دے چنگے استعمال کیتے جامع حکمت عملی تے عملدرآمدکیتا ونجے، ساڈے پاک نبی ﷺ وی پانڑی دی بچت دا سبق ڈتے جیندے کیتے انفرادی ‘علاقائی اتے حکومتاں دی سطح تے رل تے کم کرنڑا چاہیدے، ساکوں عالمی موسمیات کوں ڈیہدے ہوئیں منصوبے بنڑاونڑے چاہیدن۔
