کوئٹہ ۔ 18 نومبر (اے پی پی) صدر مملکت ڈاکٹر عارف علوی لائیو اسٹاک دے شعبے دی اہمیت ڈسیندے ہوئیں آکھیے جو ایں شعبے دی ترقی نال برآمدات ودھایاں ونج سگدن ،غربت مکاونڑ تے ملکی معیشت اچ استحکام اچ مدد ملسی ، سیکورٹی استحکام پاروں پاکستان باپرلے ملک سرمایہ کاراں کیتے پرکشش جاہ بنڑ گئی اے ، ماہی گیری ودھاونڑ کیتے جدید مشینری اتے جدید ٹیکنالوجی کوں استعمال کرنڑ دی ضرورت اے ۔بلوچستان اچ ماہی گیری سمیت لائیو سٹاک دے بئے شعبیں توں فائدہ چاونڑ دے بہوں سارے موقع موجود ہن ۔اے گال انہاں سنوار کوں یونیورسٹی آف بلوچستان اچ لائیو اسٹاک دی ایکسپو نال خطاب کریندے ہوئیں آکھی اے ۔صدر مملکت آکھیے جو دنیا اچ جتنے وی انبیاءآئے انہاں بکریاں چراونڑ دا پیشہ اختیار کیتے ،اے پیشہ انبیاءدی سنت اے ، لائیو اسٹاک دا انساناں دی زندگی نال ودھ سارا تعلق اے ،وزیراعظم عمران خان اپنڑی تقریراچ آکھیے وج ہر گھر اچ ککڑیں ڈتیاں ونجن جیں نال غربت مکاونڑ اچ مدد مل ویسی ،لوکاں انہاں دا مذاق اڈائے حالانکہ افریقہ اچ غربت مکاونڑ کیتے ککڑیں تے بکریاں پالنڑ ہک زبردست پیشہ اے ۔ انہاں آکھیے جو پاکستان اچ خوراک دی کمی اے ،بال غذائی کمی دا شکار ہن ۔انہاں آکھیے وج ہنڑ تئیں دی تحقیقات نال پتہ لگدے جو امیر، غریب اتے مڈل کلاس طبقہ خوراک دی کمی دا شکار اے، لائیو اسٹاک اہم شعبہ اے یں توں کھیر تے گوشت ملدے ،انہاں آکھیے جو کھیر بالاں دی صحت کیتے اہم اے ، موری گالا کھیر دے شعبے اچ پاکستان اچ سرمایہ کاری کریندا پئے ،او پاکستان اچ اپنڑی کھیر دیاں ضرورتاں کوں پورا کرسگدن تے باہرلے ملک برآمد کر سگدن ایں شعبے تے خصوصی توجہ کرنڑ دی ضرورت اے ۔انہاں آکھیے جو پاکستانی ڈاکٹر باہرلے ملک خدمات سرانجام ڈیندے پن ، ڈاکٹرز، انجینئرز، انفارمیشن ٹیکنالوجی اتے مصنوعی ذہانت دے ماہرین کوں باہرلے ملک ونجنڑاں چاہیدے ۔ صدر مملکت آکھیا جو پاکستان دی معیشت بہتر تھیندی پئی اے ، ملک اچ لائیو اسٹاک دے شعبے کیتے بہوں سارے موقع موجود ہن ۔
