تہران ۔ 18 نومبر (اے پی پی) 33 ویں عالمی اتحاد امت کانفرنس دے شرکاءڈیل آف سنچری دے تحت مسلماناں دے پہلے قبلے تے جارحیت دی مذمت کریندے ہوئیں اسلامی ملکاں توں مسیت اقصی دے دفاع اچ مستحکم موقف دا مطالبہ کیتے ۔ایران اچ منعقد 33ویں عالمی اتحاد امت کانفرنس دے شرکاں اپنڑے چھیکری بیان اچ ڈیل آف سنچری دے تحت مسیت الاقصی تے مسلسل جارحیت اتے قدس کوں یہودیاں دا مرکز بنڑاونڑ دی مذمت کریندے ہوئیں آکھیے جو اسلامی ملکاں کوں میست اقصی دے دفاع اچ مستحکم موقف چاونڑاں پوسی ۔سانجھے بیان اچ مسیت اقصی تے جارحیت، اسلامی اقدار دے خلاف ہک خطر ناک سازش اے جیں تے اسلامی ملکاں کوں ایندے خلاف پکا موقف اختیار کرنڑاں چاہیدے ۔ایران اچ 33 ویں عالمی اتحاد امت کانفرنس “القدس الشریف، اتحاد امت دا محور” دے عنوان دے تحت دارالحکومت تہران اچ منعقد تھئی جیں اچ 90 ملکاں توں آئے 400مہمان اہم شخصیات،علمائے کرام تے پروفیسرز شرکت کیتی۔
