مظفرگڑھ۔ 19 نومبر(اے پی پی) مظفرگڑھ علی پور روڈ تے ڈیڈھ لال چوک نزد روہیلانوالی دے نیڑے تکھے رفتار مزدہ ، مسافر وین اتے موٹر سائیکل اچ ٹکر،08 بندے موقع تے جاں بحق جڈانجو چار پھٹوڑی تھی گئے ۔پولیس اتے ریسکیو ذرائع ولوں تفصیل موجب مسافر وین علی پور توں مظفر گڑھ ویندی پی ہئی جڈانجو مزدہ مظفر گڑھ توں علی پور ویندا پیا ہئی ۔حادثہ مسافر وین دی تکھی رفتار نال اوورٹیک کریندیں ہوئیں اتے موٹرسائیکل کوں بچیندیں ہوئیں مسافر وین نال ٹکرا گی۔حادثے دی اطلاع ملدیں ریسکیو1122دی چار ایمبولینس اتے ریسکیو اہیکل حادثے دی جاہ تے پجی اتے ویلھے تے رسپانس ڈتا۔زخمیاں کوں موقع تے طبی امداد دے بعد نیڑے دے ہسپتال پجا ڈتا گیا۔روہیلانوالی پولیس مقدمہ درج کر تے تفتیش شروع کر ڈتی اے۔
