میکسیکوسٹی ۔ 29 نومبر (اے پی پی) دنیا دے معروف امریکی راک کلائیمبر بریڈ گوب رائٹ شمالی میکسیکو اچ کوہ پیمائی کریندے ہوئیں300 میٹر اچائی توں ڈھہہ تے ہلاک تھی گے ۔ ایمرجنسی رسپانس ایجنسی دے مطابق امریکی کوہ پیما بریڈ گوب رائٹ اتے انہاں دے امریکی ساتھی ایڈن جیکب سن میکسیکو دی شمالی ریاست نوئیوو لیون اچ گزریل ڈینھ 900 میٹر اتے شائننگ پاتھ پہاڑی چوٹی سر کرنڑ دے بعد واپس آندے پئے ہن جو ایں دوران گوب اپنا توازن برقرار نہ رکھ سگیا تے 300میٹر اتوں ڈھہنڑ دے بعد موقع تے مرگن جڈاں جو انہاں دے ساتھی جیکب سن کوں دھک لگے ۔واضح رہے جو بریڈ گوب رائٹ بغیر رسی دے کوہ پیمائی دی وجہ توں جانڑیے ویندے ہن۔
