اسلام آباد ۔ 12 نومبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو مولانا تے انہاں دے ساتھی جبری تسلط دی منفی سوچ ختم کرن تے جمہوری رویہ اپناون ،ملک اچ کجھ خانداناں دی بجائے پہلی واری حقیقی عوامی راج کیوں قائم تھئے ،وزیراعظم عمران خان معیشت درست پاسے ٹور تے عوام دا روزگار تے کاروبار چلاونڑ چاہندن ۔منگل کوں ہک ٹویٹ اچ ڈاکٹر فردوس عاشق اعوان آکھیے جومولانا مظلوم کارکناں کوں اپنڑی پارلیمان ونجنڑ دی خواہش دی بھینٹ نہ چڑھاون ،انہاں آکھیے انہاں کوں بے رحم ٹھڈے موسم دے حوالے کرنڑ دی بجائے باعزت گھر واپس ونجنڑ دی آزادی ڈیون۔ غریباں دے بالاں ،بزرگاں دی صحت تے سلامتی خطرے اچ نہ پاون ،آئین اتے جمہوریت دے منافی مطالبے کرتے نظام کوں ضیان نہ پجاون ، چار سال صبر کرن تے مظلوم کشمیریاں کیتے آواز چاتے ڈاہ سال کشمیر کمیٹٰ دے بطور چیئرمین پروٹوکول گھننڑ دا قرض لہاون ۔
