لاہور۔16 نومبر(اے پی پی )وفاقی وزیر ریلوے شیخ رشید احمدآکھیے جو مولانا فضل الرحمن دی سیاست مُک سُتی اے، انہاں کجھ کھادا پیتا تاں نئیں بھل گلاس ضرور تروڑیے،مولانا دھرنا مکا تے عقل ڈکھائی اے بھل ہنڑسڑکاں بند کرتے غیر قانونی کم کرنڑ نال او قانون دی پکڑ اچ آ ویسن،مولانادے دھرنے نال کشمیر کاز دا ضیان تھئے،پی ٹی آئی دے لوک نئیں چاہندے جو چوراں‘ لٹیراں کوں رعایت ڈتی ونجے۔لہور اچ پریس کانفرنس کریندے ہوئے شیخ رشید احمد آکھیے جو پاکستان دے حالات اتے سیاست چنگائی دو ویندے پین،نویں سال تئیں حکومت بہوں سارے مسلیاں توں نکل آسی،مہانگ، بے روزگاری دے مکنڑ سودھاگڈگورننس دی شروعات تھی چکی اے،مولانا دا دھرنا او پہلا دھرنا ہا جیندے اچ مخصوص ٹولہ شامل ہا اتے ایندے اچ عوام لاتعلق رہین اتے سیاسی جماعتاں وی کنی کیتی اے،لگدےا ٓندے سال مولانا دیاں سیٹاں اگیں توں وی گھٹ ہوسن۔شیخ رشید احمدآکھیے جو لوکاں موجودہ حکومت کوں احتساب دے ناں تے ووٹ ڈتے،پی ٹی آئی دا ووٹر نئیں چاہندا جو کہیں چور لٹیرے کوں کوئی رعایت ورتی ونجے،نوازشریف دے معاملے تے حکومت آئین و قانون دے مطابق فیصلہ کیتے۔
