ملتان ۔ 5 نومبر (اے پی پی) حکومت پنجاب صحت دے شعبے اچ مثالی اقدامات کریندی پئی اے ،سرکاری ہسپتالاں تے مریضاں دا بوجھ ودھ سارا اے ،نشتر 2دی تعمیر نال خطے دے عوام کوں صحت دیاں بہترین سہولتاں ملسن ،کمیونٹی ڈویلپمنٹ اچ اساکوں مثبت کردار ادا کرنڑاں ہوسی ۔اے گال کمشنر ملتان ڈویژن افتخار علی سہو ابن سینا ہسپتال دا دورہ کریندے ہوئیں آکھی اے ۔ ملتان میڈیکل و ڈینٹل کالج بارے کمشنر افتخار سہو کوں تفصیلی بریفنگ ڈتی گئی ۔کمشنر افتخار سہو آکھیے جو پبلک پرائیوٹ پارٹنر شپ ملکی ترقی دی ضامن اے ۔ سول سوسائٹی دے تعاون نال بہوں سارے مسلیں دے حل تے معاشرے کوں بہتر کرنڑ کیتے بہوں سارے اقدامات کیتے ونج سگدن ۔ایں موقع تے ڈاکٹر پروفیسر شبیر ناصر بئے ڈاکٹرز تے افسر وی موجود ہن ۔
