ملتان ۔ 10 نومبر(اے پی پی) وزیرخارجہ مخدوم شاہ محمودقریشی آکھیے جو نواز شریف دی صحت چنگی کائنی، انہاں کوں علاج کیتے بیرون ملک ونجنڑا چاہیدے،نوازشریف دی بیرون ملک روانگی اچ حکومت کوئی رکاوٹ نئیں پاتی،دعااے جو او صحتیاب تھی تے آون اتے سیاست شروع کرن ۔ملتان اچ میڈیانال الیندے ہوئے انہاں آکھیے جیکربلاول کوںشکوہ اے تاںا و آصف علی زرداری دی بیماری دے ثبوت ڈیون اساں ایندے تے وی غور کریسوں۔شاہ محمود قریشی بابری مسجدکیس دے فیصلے دی مذمت کریندے آکھیے جو اے فیصلہ تضادات دی گنڈھڑی اے،جیندے اچ انصاف نئین کیتا گیا،کرتار پور راہداری دے افتتاح دے موقع تے اینجھا فیصلہ آونڑ آپ تعصب اتے مسلماناں نال بغض دی چغلی کھاندا پئے اتے ایندے نال بھارت دا سیکولرچہرہ بے نقاب تھی گئے،کیوں جو ہندوستان اچ اقلیتاں کیتے زمین تنگ کر ڈتی گئی اے۔انہاں آکھیے جو اج بھارت گاندھی اتے نہرو دا نئیں صرف آرایس ایس دا ہندوستان بنڑ تے رہ گئے۔
