وزیراعظم اقوام متحدہ اچ جیرھے انداز اچ اسلام‘ کشمیر ‘ فلسطین اتے پاکستان دا مقدمہ لڑیے ایندے تے پوری قوم کوں فخر اے ،وفاقی وزیر مراد سعید

اسلام آباد ۔ 8 نومبر (اے پی پی) وفاقی وزیر مواصلات مراد سعید آکھیے جو اے لوک منی لانڈرنگ تے نقلی اکاﺅنٹس دے کیس اچ ملوث ہن ،پاکستان تے وفاق دے وجود اچ کوئی خطرہ کائنی ،عمران خان اقوام متحدہ اچ ونج تے جیویں اسلام‘ کشمیر ‘ فلسطین اتے پاکستان دا مقدمہ لڑیے ایندے تے پوری قوم کوں فخر اے ۔ جمعے کوں قومی اسمبلی اچ گال کریندے ہوئیں وفاقی وزیر مراد سعیدآکھیا جو 25 ہزار 973 قاسم خان سوری دے ووٹ ہن‘ موصوف 65 ہزارنقلی ووٹاں دا الزام لاتے غلط بیانی کیتی اے ۔انہاں آکھیے جو اساں تے آرٹیکل چھی دے تحت کیس دی گال کریندے پن ،اے وزیر خارجہ وی ہن تے اقامہ وی رکھیندے ہن ،انہاں دا کوئی بندہ دھوبی بنڑیے کوئی مستری تے کوئی ویلڈر بنڑیے ،ایندا انہاں کوں جواب ڈیونڑاں چاہیدے ۔انہاں آکھیے جو ولا ولا فضل الرحمان دی گال کیتی اے ۔موصوف بطور وزیر خارجہ امریکہ ونج تے خود کوں لبرل آکھیے تے عمران خان کوں دین دار آکھیے ،اے امریکیاں کوں خوش کرنڑ کیتے ایندے توں اگوں نکل گن انہاں امریکہ اچ بہہ تے امریکیاں کوں پیشکش کیتی جو اتھاں آون ۔ مراد سعید آکھیا جو گزریل ڈینھ وی اپوزیشن ایجنڈے تے گال کائنی کیتی سپیکر ولوں انہاں کوں موقع ڈتا گیا انہاں ولا ولا اپنڑے لیڈراں دے پروڈکشن آرڈرز اتے بیماری دی گال کیتی ۔