اسلام آباد ۔ 12 نومبر (اے پی پی) وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان آکھیا جو مثبت معاشی اشاریئے اقتصادی استحکام دی علامت ہن، معاشی استحکام نال عوامی دی توقعات تے پورا لہسوں،پاکستان اوکھ توں نکل آئے۔اے گالھیں انہاں منگل کوں وفاقی کابینہ دے اجلاس دے بعد میڈیاکوں بریفنگ ڈیندیں ہویں آکھی۔انہاں آکھیا جو معاشی استحکام دے فائدے عوام تئیں پجیسوں،انہاں آکھیا جو ایںمالی سال اچ جولائی توں اکتوبر تئیں دے معاشی اہداف گھن گھدن،مشیر خزانہ کابینہ کوں اقتصادی اشاریاں تے خصوصی بریفنگ ڈتی اے۔انہاں آکھیا جو پاکستان دے مستحکم معاشی حالات کوں عالمی ادارے وی منیندن۔انہاں آکھیا جو سٹاک مارکیٹ اچ تیزی حکومت دی مثبت پالیسیاں نال اے،حکومت صوبائی حکومتاں دی کارکردگی تے نظر رکھی ہوئی اے،صوبائی حکومتاں توں مہینے دی کارکردگی رپورٹ منگی ویندی پی اے۔انہاں آکھیا جو وزیراعظم عمران خان صوبائی حکومتاں دی کارکردگی دی تعریف کیتی اے۔انہاں آکھیا جو حکومت یوٹیلٹی سٹور کوں عوام دی روز دی لوڑھ دی شہیں سانگے چھی ارب روپے ڈتن۔
