وفاقی کابینہ اتفاق رائے نال فیصلہ کیتے جو محمد نواز شریف بارے لاہورہائیکورٹ دے عبوری فیصلے دے خلاف اپیل دائر کائنا کیتی ویسی،نینگراں کوں نوکریاں گولنڑ اچ سہولت ڈیونڑ سانگے نیشنل جاب پورٹل بنڑایا ویندا پے،آصف علی زرداری کوں قانونی ریلیف عدالت توں مل سگدے،مولانا فضل الرحمن اپنڑی عزت بچاکراہیں واپسی چلے گن، معاون خصوصی اطلاعات تے نشریات ڈاکٹر فردوس عاشق اعوان دی وفاقی وزیر بیرسٹر فروغ نسیم دے رلے وفاقی کابینہ دے اجلاس دے بعد میڈیا کوں بریفنگ
اسلام آباد ۔ 19 نومبر (اے پی پی) وفاقی کابینہ اتفاق رائے نال فیصلہ کیتے جو محمد نواز شریف بارے لاہورہائیکورٹ دے عبوری فیصلے دے خلاف اپیل دائر کائنا کیتی ویسی جڈانجو میرٹ تے کیس دے فیصلے تے حکومت اپیل کرنڑ دا حق رکھیندی اے۔کابینہ معمولی جرم اچ ملوث65سال توں ودھ عمر اتے گھٹ عمر دی قیدیاں کوں عام معافی ڈیونڑ دا اصولی فیصلہ، نیشنل ٹیرف اتے متبادل توانائی پالیسیاں دی منظوری، وزیراعظم عمران خان دا پڑھے لکھے لوکاں سانگے روزگار دے موقع ودھاونڑ تے زور،خالی اسامیاں بارے تشویش،اداریاں دے سربراہواں دی تقرری دا عمل جلدی پورا کرنڑ دی ہدایت ڈتی اے۔وفاقی کابینہ اتفاق رائے نال فیصلہ کیتے جو محمد نواز شریف بارے لاہورہائیکورٹ دے عبوری فیصلے دے خلاف اپیل دائر کائنا کیتی ویسی،نینگراں کوں نوکریاں گولنڑ اچ سہولت ڈیونڑ سانگے نیشنل جاب پورٹل بنڑایا ویندا پے،آصف علی زرداری کوں قانونی ریلیف عدالت توں مل سگدے۔وزیراعظم عمران خان ایں موقع تے آکھیا جو خالی اسامیاں تے تعیناتی سانگے پلان ہک ہفتے اچ وزیراعظم آفس کوں ڈتا ونجے۔کابینہ وزیرتوانائی عمر ایوب اتے انہاں دی ٹیم دی تعریف کیتی۔ وزیراعظم دی معاون خصوصی برائے اطلاعات تے نشریات ڈاکٹر فردوس عاشق اعوان ‘ وفاقی وزیر قانون و انصاف بیرسٹر فروغ نسیم دے رلے وزیراعظم عمران خان دی صدارت وفاقی کابینہ دے اجلاس دے بعد میڈیا کوں بریفنگ ڈیندیں ہوئیں آکھیا جو اجلاس دے شروع اچ وزیراعظم معاشی اشاریاں اچ بہتری تے حکومتی معاشی ٹیم دی کوششاں دی تعریف کیتی اتے مبارکبادڈتی۔ہک سوال دے جواب اچ وزیراعظم دی معاون خصوصی ڈاکٹر فردوس عاشق اعوان آکھیا جو آصف علی زردار ی کوں ریلیف صرف رشید فالودے آلا ڈے سگدے،قانونی ریلیف عدالت توں ای مل سگدے۔ہک سوال دے جواب اچ انہاں آکھیا جومولانا فضل الرحمن وزیراعظم دا استعفیٰ گھنڑ آئے ہن اپنڑی عزت بچا کراہیں واپس چلیے گن۔
