وزیراعظم عمران خان نال سابق بھارتی وزیراعظم منموہن سنگھ گرمجوشی نال ہتھ ملائے

کرتار پور ۔ 09 نومبر (اے پی پی) وزیراعظم عمران خان نال سابق بھارتی وزیراعظم منموہن سنگھ گرمجوشی نال ہتھ ملائے۔ انہاں کرتار پور راہداری کھولنڑ تے حکومت پاکستان اتے خاص کر وزیراعظم عمران خان دیاں کوششاں دی تعریف کیتی اتے انہاں دا شکریہ ادا کیتا۔سابق بھارتی وزیر اعظم من موہن سنگھ حکومت پاکستان دی دعوت تے سکھ یاتریاں دے رلے کرتار پور آئن۔،انہاں وزیراعظم نال الوائے اتے سکھ برادری کوں اپنڑے مقدس استھان تئیں پجنڑ کیتے اقدامات تے مبارک ڈتی۔ ایں موقع تے وزیراعظم نال وزیر خارجہ مخدوم شاہ محمود قریشی ، وزیر داخلہ اعجاز احمد شاہ، وزیراعظم دی معاون خصوصی برائے اطلاعات ڈاکٹر فردوس عاشق اعوان، گورنر پنجاب چوہدری محمد سرور، وزیراعظم دے معاون خصوصی برائے امور نوجوانان محمد عثمان ڈار اتے سینیٹر فیصل جاویدوی موجودہن۔