اسلام آباد ۔ 07 نومبر (اے پی پی) چیئرمین بھائی صاحب بھائی ڈاکٹرمہندر سنگھ آہلو والیا دی اگوانڑی اچ خیراتی تنظیم نیشکام گروپ دے ہک وفد اسلام آباد اچ وزیراعظم عمران خان نال ملین اتے کرتار پور راہداری دے حوالے نال معاملیاں تے الوائے۔ایں موقع تے اوورسیز پاکستانیاں بارے وزیراعظم دے معاون سید ذوالفقار علی بخاری وی موجود ہن۔بھائی صاحب ڈاکٹربھائی مہندر سنگھ کرتار پور راہداری کھولنڑ دے پاکستان حکومت دے فیصلے دی تعریف کریندے ہوئے وزیراعظم عمران خان دا شکریہ ادا کیتے۔ انہاںسکھ برادری کیتے پورے جگ توں اپنڑی پاک دھرتی دی زیارت تے وی شکریہ ادا کیتا۔ انہاں ڈھانچہ جاتی ترقیاتی منصوبیاں خاص کر کرتار پور راہداری سانگے ننکانہ صاحب اچ ریسٹ ہاوسز بنڑاونڑکیتے سرمایہ کاری دی خواہش کیتی۔ انہاں سکھ کمیونٹی فنڈز اچوں وعدہ کیتی گئی رقم اچ وی اہپنڑا حصہ پاونڑ دا اعلان کیتے۔ وزیراعظم وفد دی سرمایہ کاری اچ دلچسپی کوں خوش آمدید آکھیا۔
