لاہور۔6 نومبر(اے پی پی )وزیراعلیٰ پنجاب سردار عثمان بزدار دی صدارت اچ سیف سٹی اتھارٹی دا اجلاس تھیا جئیں اچ راولپنڈی اتے ڈیرہ غازی خان تے تونسہ اچ پراجیکٹ شروع کرنڑ دا فیصلہ کیتا گیا۔اے پراجیکٹ پبلک پرائیویٹ پارٹنرشپ موڈدی بجائے سالانہ ترقیاتی پروگرام دے تحت شروع کیتے ویسن۔اجلاس اچ لاہور رنگ روڈ کوں سیف سٹی پراجیکٹ نال جوڑیا ویسی،لاہور سیف سٹی پراجیکٹ دے آپریشنل معاملے سانگے فنڈز دی منظوری ڈتی گئی ۔وزیراعلیٰ پنجاب سیف سٹی اتھارٹی کو ںبزنس ماڈل بنڑاونڑ دی ہدایت کیتی اتے آکھیا جو چونیاں اچ سی سی ٹی وی کیمرے لاونڑ دا کم جلدی پورا کیتا ونجے،جدید ٹیکنالوجی توں ودھ توں ودھ فائدہ چا تے پنجاب کوں محفوظ بنڑیسوں۔
