وزیرِاعظم عمران خان دی صدارت اچ ضرورت دی شہیں دے نرخاں بارے اجلاس

APP74-06 ISLAMABAD: November 06 - Prime Minister Imran Khan chairing a meeting regarding price control of essential items. APP

اسلام آباد ۔ 6 نومبر (اے پی پی) وزیرِاعظم عمران خان ہدایت کیتی جو ذخیرہ اندوزی اتے ناجائز منافع خوری کوں ختم کرنڑ،سمگلنگ روکنڑ سانگے سرحدی انتظام کوں بیا موثر کیتا ونجے،گھیو دے نرخاں اچ گھٹکی،عام لوڑھ دی شہیں دے نرخاں تے قابو پاونڑ سانگے انتظامات کیتے ونجن۔اے گالھیں انہاں اپنڑی صدارت اچ ضرورت دی شہیں دے نرخاں بارے اجلاس اچ آکھی۔اجلاس اچ وزیر برائے فوڈ سیکورٹی صاحبزادہ محبوب سلطان، وزیر برائے منصوبہ بندی مخدوم خسرو بختیار، وزیر خوراک پنجاب سمیع اللہ چوہدری، وزیرِ خوراک خیبرپختونخوا حاجی قلندر خان لودھی، وفاقی سیکرٹری نیشنل فوڈ سیکورٹی ڈاکٹر محمد ہاشم، صوبائی چیف سیکرٹریز تے بے سینئر افسر شریک تھیے۔اجلاس اچ پورے ملک اچ گھر دی ضروری شہیں اٹا،گھیو،کھنڈ اتے بے لوڑھ دی شہیں دے نرخاں دی اجوکی صورتحال اتے انہاں شہیں دے نرخاں تے قابو پاونڑ بارے جائزہ گھدا گیا۔ صوبائی چیف سیکرٹریز ولوں صوبیاں اچ اٹے دی دستیابی اتے نرخاں بارے وزیراعظم کوں بریفنگ ڈتی گئی۔ صوبائی چیف سیکرٹریز ولوں ڈسیا گیا جو حکومت ولوں پاسکو ذخائر توں صوبیاں کوں کنڑک ڈیونڑ نال کنڑک دی صورتحال تسلی بخش اے اتے ملک دے کہیں حصے اچ کنڑک دی گھٹکی کائنی۔وزیراعظم ہدایت کیتی جو منڈی اتے مارکیٹ اچ نرخاں دے فرق کوں گھٹ کرنڑ سانگے ٹیکنالوجی استعمال کیتی ونجے اتے فرق کوں مکایا ونجے۔وزیراعظم آکھیا جو اے ریاست دی ذمہ واری اے جو ہر شہری کوں لوڑھ دی شہیں مل سگن۔ایں بارے ہرممکن کم کیتا ونجے تانجو کوئی بُکھا نہ سمھ سگے۔