وزیر خارجہ مخدوم شاہ محمود قریشی دا کوالالمپور اچ پاکستان ہائی کمیشن دا دورہ، ”کمیونٹی سروس سینٹر“دا افتتاح کیتا

کوالالمپور ۔ 5 نومبر (اے پی پی) وزیر خارجہ مخدوم شاہ محمود قریشی منگل کوں کوالالمپور اچ پاکستان ہائی کمیشن دا دورہ کیتے۔ملائشیا اچ پاکستانی ہائی کمشنر مادام آمنہ بلوچ اتے سفارتخانے دے سینیئر حکام وزیر خارجہ مخدوم شاہ محمود قریشی دا خیرمقدم کیتے۔وزیر خارجہ پاکستانی ہائی کمیشن کوالالمپور اچ قائم کیتے گے ”کمیونٹی سروس سینٹر“ دا افتتاح کیتا۔اے کمیونٹی سروس سینٹر، ملائشیا، پاکستان بزنس کونسل دے زیر اہتمام ”لوکاں دے کیتے منشور دے تحت کم کریندا پئے ۔ایں کمیونٹی سروس سینٹر دے قیام دا مقصد لوکاں کیتے ہکی جاہ تے تے سارے قونصلر سروسز دی دستیابی کوں یقینی بنڑاونڑاں اے ،وزیر خارجہ آکھیا جو ملائشیا اچ 80 ہزار توں ودھ پاکستانی رہندن جیرھے اتھاں اپنڑاں خون پسینہ ہک کرتے سالانہ کثیر زر مبادلہ پاکستان بھجویندن تے ملک دی ترقی اچ اپنڑاں حصہ پیندن ، پاکستانی کمیونٹی دے مسلیں کوں حل کرنڑاں اساڈی پہلی ترجیح اے ۔کمیونٹی سروس سینٹر دا قیام وی ایں سلسلے دی ہک کڑی اے ۔وزیر خارجہ مخدوم شاہ محمود قریشی کمیونٹی سروس سینٹر، قونصلر سیکشن سمیت سفارت خانے دے مختلف ڈیپارٹمنٹس دا دورہ کیتا، ویزہ گھننڑ کیتے قونصلر سیکشن اچ موجود پاکستانیاں وزیر خارجہ کوں اپنڑے درمیان ڈکھ تے خوشی دا اظہار کیتا تے سیلفیاں بنڑوائیاں