وفاقی وزیر اقتصادی امور حماد اظہردی پریس کانفرنس

اسلام آباد ۔ 5 نومبر (اے پی پی) وفاقی وزیر اقتصادی امور حماد اظہر ”کارکے“ تنازعہ دے خوش اسلوبی نال حل تے پوری قوم کوں مبارک باد ڈتی اے۔انہاں آکھیا جو زیراعظم عمران خان اتے ترکی دے صدر رجب طیب اردوان دی خصوصی کوششاں نال اے مسئلہ حل تھیے۔انہاں آکھیا جو جاری مالی سال دے پہلے چھی مہینے اچ حسابات جاریہ دے خسارے اچ 64فیصد گھٹکی تھئی اے، پرائمری بجٹ بیلنس بارے ترائے مہینے اچ 285ارب روپے دی ودھیکی آمدنڑ تھئی اے، فارن پورٹ فولیو سرمایہ کاری اچ 137 فیصد دا ودھارا تھیے،اساکوں ماضی اچ گھدے گئے قرضےاں دی قسطاں اتے سود وی ڈیندے پیوں،گزریل سال ساڈھے 10ارب ڈالر دا قرضہ ڈتے اتے اے سللسہ جاری اے،ایف بی آر توں ملازماں کوں فارغ کائنی کریندے پئے،معیشت کوں استحکام ڈیونڑ دے بعد اساں اگلے مرحلے اچ ویندے پیوں،بئی خوشخبریاںملسن۔اے گالھیں انہاں منگل کوں اتھاں پریس کانفرنس نال خطاب کریندیں ہوئیں آکھی۔