پاکستان اتے آسٹریلیا وچال تریجھا تے چھیکڑی ٹی 20 کرکٹ میچ جمعے کوں کھیڈیا ویسی

پرتھ ۔ 6 نومبر (اے پی پی) پاکستان اتے آسٹریلیا دیاں کرکٹ ٹیماں وچال تریجھا تے چھیکڑی ٹی 20 انٹرنیشنل میچ جمعے کوں پرتھ اچ کھیڈیا ویسی۔آسٹریلیا کوں پاکستان دے خلاف ترائے میچاں دی سیریز اچ 1-0 دی برتری حاصل اے، ایندے توں پہلے ڈوہیں ٹیماں وچال سیریز دا پہلا میچ مینھ پاروں بے نتیجہ رہیا تاں جو ڈوجھے میچ اچ میزبان ٹیم پاکستان کوں ست وکٹاں توں ہرا تے سیریز اچ 1-0 نال جھنڑ گھدے ۔ پاکستانی ٹیم بابر اعظم دی قیادت اچ میدان اچ لہسی جڈاں جو آسٹریلیا دی کپتانی ایرون فنچ کریسن۔ واضح رہے جو سیریز دا تریجھا تے چھیکڑی میچ ٹی 20 انٹرنیشنل 8 نومبر کوں پرتھ اچ کھیڈیا ویسی ۔ ایندے بعد ڈوہیں ٹیماں داپہلا ٹیسٹ میچ 21 توں 25 نومبر تئیں برسبین اچ کھیڈیا ویسی جڈاں جو ڈوجھا تے چھیکڑی ٹیسٹ میچ 29 نومبر توں 3 دسمبر تئیں ایڈیلیڈ اچ کھیڈیا ویسی۔