اسلام آباد ۔ 22 نومبر (اے پی پی) وائٹ ہاﺅس دے ترجمان آکھیا جو پاکستان اتے امریکا اچ تجارتی تعلقات اچ ایں سال اچ ریکارڈ ودھارا تھیے،گزریل سال صدر ڈونلڈ ٹرمپ اتے وزیراعظم عمران خان ’ پاکستان اتے امریکہ اچ تعلقات کوں ودھاونڑ دا عزم کیتے۔گزریل ڈینھ معمول دی پریس بریفنگ اچ وائٹ ہاﺅس دے ڈپٹی پریس سیکرٹری جوڈ ڈیری ڈسیا جو گزریل سال صدر ڈونلڈ ٹرمپ اتے وزیراعظم عمران خان ’ پاکستان اتے امریکہ اچ تعلقات کوں ودھاونڑ دا عزم کیتے۔واضح رہے جو ہک ڈینھ پہلے وزیراعظم عمران خان اتے امریکہ دے صدر ڈونلڈ ٹرمپ وچال ٹیلی فون تے گالھ تھئی اتے ڈو پاسہ علاقائی معاملیاں تے گالھ مہاڑ کیتی گئی ۔امریکی صدر مثبت پیش رفت اچ سہولتاں ڈیونڑ تے پاکستان دی کوششاں تے وزیراعظم عمران خان دا شکریہ ادا کیتے۔وزیراعظم پر امن اتے مستحکم افغانستان سانگے افغانستان اچ امن تے مصالحتی عمل اچ پاکستان دے عزم دا اعادہ کیتے۔
