کرتار پور ۔ 09 نومبر (اے پی پی) مذہبی امور دے وفاقی وزیر نور الحق قادری کرتارپور راہداری دی افتتاحی تقریب نال خطاب اچ آکھیے جو پاکستان اتے ہندوستان دی ونڈ دے بعدبرصغیر اچ اج سب توں وڈی راہداری کھولی گئی اے،وزیراعظم عمران خان سکھ برادری نال اپنڑا وعدہ پورا کرڈتے جیندے بعد سکھاں کوں اپنڑی مقدم مذہبی عبادت گاہ دی زیارت،عبادت دا موقع مل گئے،بابا گورو ناک دیو جی پوری حیاتی محبتاں ونڈنڑ توں علاوہ اپنڑے چھیکڑی ڈینہاں اچمذہبی ہم آہنگی اتے یکجہتی دے سنیہے دے نال نال اتھو توحید اتے دوستی ودھائی، انہاں دی تعلیمات امن و آتشی اتے انسانی فلاح کیتے ہین،۔ انہان آکھیے جو وزارت مذہبی امور و بین المذاہب ہم آہنگی اتے متروکہ وقف املاک بورڈڈینہہ رات اقلیتاں دے مقدس مقامات دی خدمت اتے یاتریاں دی سیواکیتے ردھیے ہوئن،خواہش اے جو امن و محبت دا اے سنیہا سرحد پار توں وی ایویں آوے۔
