سیالکوٹ ۔ 10 نومبر (اے پی پی) وزیر اعظم دی معاون خصوصی برائے اطلا عا ت و نشریات ڈاکٹر فردوس عاشق اعوان آکھیے جو وزیراعظم عمران خان پاکستان کو ںریاست مدینہ آلی کار بنراونڑ کیتے پرعزم ہین، حقوق اللہ اتے حقوق العباد کوں متوازن بنڑاونڑ داناں اسلام اے، نوجوان نسل نبی کریمدکی سیرت تے عمل کرے، انسانی حقوق دا سب توں بہترین چارٹر دین اسلام پیش کیتے،مظلوم کشمیریاں دی حمایت جاری رکھیسوں، بابری مسجد بارے بھارتی سپریم کورٹ یکطرفہ فیصلہ ڈتے جیں بھارت اچ راہنڑ آلے مسلماناں دے جذبات مجروح کیتن۔ اے گالھ انہاں ہک تقریب نال خطاب اچ کیتی۔انہاں آکھیے جو بھارتی سپریم کورٹ دے فیصلے ہندوستان دے انتہا پسند چہرے کوں جگ اچ ولا بے نقاب کر ڈتے۔انہاںا ٓکھیے جووزیر اعظم عمران خان مساوات دی بنیاد تے ہک مضبوط اسلامی معاشرے کیتے کوشش کریندے پین،پاکستان تیکھے بین المذاہب ہم آہنگی دی روشن خیال مثال بنڑ ویسی۔
