اسلام آباد ۔ 09 نومبر (اے پی پی)پاکستان بابری مسیت دی جاہ تے مندر بنڑاونڑدے فیصلے تے چنتے دا اظہارکریندے ہوئے آکھیے جوبابری مسجد دا فیصلہ انصاف دے تقاضے پورے کرنڑ اچ ناکام تھئے۔ اپنڑے رد عمل اچ ترجمان دفترخارجہ ڈاکٹر محمد فیصل آکھیے جو فیصلے تے ساکوں بہوں چنتا اے،فیصلے اچ انصاف کوں سامنڑے نئیں رکھیا گیا، فیصلے بھارت دے نام نہاد سیکیولر بھرم کوں کھوکھلا کرڈتے اتے واضح کر ڈتے جو بھارت اچ اقلیتاں محفوظ نئیں ریہاں،او اپنڑے عقائد اتے عبادات دیاںجاہیں بارے خوف دا شکارہین،بھارت اچ ہندوتوادے نظریات سانگے ہک ہندو راشترا کی شکل اچ تریخ کوں نویں سروں لکھنڑدی سازش جاری اے جیہڑی بھارت دے مرکزی اداریاں کوں وڈی رفتار نال متاثر کریندی پئی اے۔ڈاکٹر فیصل آکھیے جو ‘بھارتاچ ودھدی ہوئی انتہاپسند سوچ دی بنیاد ہندو بالادستی اتے خروج تے رکھی ویندی پئی اے جیندے نال پورے خطے دے امن و استحکام کوں خطرہ اے،بھارتی حکومت مسلماناں دے جان و مال ،حقوق اتے جائیداداں دا تحفظ کرے اتے متعصب ، انتہاپسند ہندطبقے دے ہتھوں استعمال تھیونڑ توں گریز کرے۔
