کراچی۔ 17 نومبر (اے پی پی)پاک بحرین مشترکہ سالانہ بحری مشق”شاہین الجزیرہ2019“کراچی اچ مک گئی اے۔پاک بحریہ دے ترجمان ولوں ڈسایا گئے جو اے مشق کراچی دے نیڑے بحرہ عرب اچ تھئی اے جیندے اچ بحرین اتے پاکستان دیاں بحری افواج ڈاہ ڈینہہ تئیں مشقاں کیتن اتے ہک بئے دے تجربیاں توں فیدہ چاتے۔مشقاں دا مقصد ڈو طرفہ عسکری تعلقات،پیشہ ورانہ مہارتاں داتبادلہ اتے تعاون ودھاونڑ ہئی۔مشق اچ میری ٹائم آپریشن،سیل ٹیم انسرشن تکنیک،فراگ مین آپریشن سودھیاں بیان جنگی اتے دفاعی مشقاں کیتاں گین۔پاک بحرین مشترکہ سالانہ بحری مشق”شاہین الجزیرہ2019“دی چھیکڑی تقریب اچ بحرین دی بحریہ دی خصوصی فورس دے کمانڈر سودھا پاک بحریہ دے اعلیٰ حکام شرکت کیتی اتے ڈوہاں افواج دیاں مہارتاں دی تعریف کیتی۔
