اسلام آباد ۔ 11 نومبر (اے پی پی) پاک بحریہ دے جہازاں پی این ایس شمشیر، محافظ اتے پی سی تھری دی انٹرنیشنل میری ٹائم ایکسرسائز IMX-19 اچ شرکت کیتی ۔ سنوار کوں ترجمان پاک بحریہ دے مطابق ایکسرسائز بحیرہ عرب، خلیج عمان اتے خلیج فارس اچ منعقد کیتی گی ۔ ایں ایکسرسائز اچ 50توں ودھ ملکاں دی فوج شرکت کیتی ۔ ترجمان پاک بحریہ دے مطابق ایکسرسائز دا مقصد مختلف مہارتاں اتے سانجھے حربی صلاحیتاں اچ ودھارا کرنڑاں ہئی ۔ ترجمان آکھیے جو پاک بحریہ ہمیشہ میری ٹائم سکیورٹی کوں یقینی بنڑاونڑ اچ اپنڑاں بھرپور کردار ادا کیتے ۔ ترجمان آکھیے جو اے ایکسرسائز IMX-19 دے دوران پی این ایس شمشیر اتے محافظ مسقط اتے بحرین دا وی دورہ کیتے۔ دورے دے دوران کشمیر اچ بھارتی ظلم تے کشمیر تے پاکستان دے اصولی موقف تے وی بین الاقوامی برادری دی توجہ کرائی گی اے ۔
