چوتھی تھل جیپ ریلی دے چھیکڑی ڈینھ نتیجے دا اعلان ، آصف فضل فاتح قرار

مظفرگڑھ۔ 18 نومبر (اے پی پی) چوتھی تھل جیپ ریلی دے چھیکڑی ڈینھ نتیجے دا اعلان کرڈتا گے ،کھلاڑیاں اچ انعام ونڈنڑ دی تقریب فیصل سٹیڈیم اچ منعقد تھئی، صوبائی وزیر کھیڈ و سیاحت رائے تیمورخان بھٹی، کمشنر ڈی جی خان مدثر ریاض ملک اتے سردار عون حمید ڈوگرممبر صوبائی اسمبلی مہمان خصوصی ہن ،جڈاں جو بئے مہماناں اچ ڈپٹی کمشنر مظفرگڑھ علی شہزاد، ایم ڈی ٹورازم ڈویلپمنٹ کارپوریشن پنجاب تنویر جبار، جنرل منیجر محسن عباس شاکر، ڈسٹرکٹ پولیس آفیسر صادق علی ڈوگر اتے اطہر خاکوانی شامل ہن ،چوتھی تھل جیپ ریلی مظفرگڑھ آصف فضل 192کلو میٹر دا ٹریک 2گھنٹے 13منٹ اتے 43سیکنڈاچ پار کرتے مقابلہ جھنڑ گھدے ، پریپیئرڈ دی اے کیٹگری اچ آصف فضل پہلی پوزیشن،زین محمودہک سیکنڈ دے فرق نال ڈوجھی جڈاں جو محمد جعفر تریجھی پوزیشن گھدی اے ، بی کیٹگری اچ نعمان خان خاکوانی پہلی،عامر مگسی ڈوجھی تے عمر پرویز کیانی تریجھی پوزیشن گھدی اے ، سی کیٹگری اچ میاں رفق احمد پہلی،ندیم خان ڈوجھی تے گوہر سانگی تریجھی پوزیشن گھدی اے ، ڈی کیٹگری اچ ظفر خان بلوچ پہلی،بیر واغ مزاری ڈوجھی تے عمر اقبال کانجو تریجھی پوزیشن گھدی اے، سٹوک تریمت کیٹگری اچ سلمی خان پہلی پوزیشن گھدی ، سٹوک دی اے کیٹگری اچ نوشیر وان ٹوانہ پہلی ، زوہیب جدون ڈوجھی پوزیشن اتے میاں شبیر تریجھی پوزیشن گھدی اے،انعام ونڈنڑ دی تقریب نال خطاب کریندے ہوئیں صوبائی وزیر کھیڈ تے سیاحت رائے تیمور خان بھٹی آکھیا جو پنجاب اچ کھیڈا دا ودھارا اساڈی حکومت دی ترجیح اے ۔کھیڈ تے سیاحت کوں ودھارا ڈے تے اساں پاکستان دا باہر دی دنیا اچ امیچ چنگاں بنڑا سگدوں ۔انہاں آکھیے جو کئی سالاں بعد ملک اچ کھیڈ تے تفریح دیاں سرگرمیاں شروع تھی چکن ، پنجاب حکومت وختی صحرائے تھل ڈیزرٹ اچ سفاری دا انعقاد کرنڑ ویندی پئی اے ،تھل جیپ ریلی نال ایں علاقے اچ کھیڈاں تے ثقافت کوں ودھاونڑ اچ مدد ملسی ،کمشنر ڈی جی خان مدثر ریاض ملک اپنڑے خطاب اچ ضلع مظفرگڑھ اتے لیہ اچ تھیونڑ آلی چوتھی کامیاب تھل جیب ریلی کراونڑ تے ضلعی انتظامیہ ، پاک آرمی، پولیس اتے بئے متعلقہ محکمیں کوں خراج تحسین پیش کیتا ۔تقریب نال خطاب کریندے ہوئیں ممبر صوبائی اسمبلی عون حمید ڈوگر آکھیا جو تھل جیپ ریلی دے کامیاب انعقاد نال جنوبی پنجاب دی ترقی ،ثقافت ودھنڑ تے موثر سپورٹس سرگرمیاں اچ مدد ملی اے ،تقریب دے چھیکڑ تے آتش بازی دا چنگاں مظاہرہ کیتا گیا ۔