اسلام آباد ۔ 29 نومبر (اے پی پی) ڈپٹی چیئرمین سینٹ سلیم مانڈوی والا آکھیے جو میکسیکو پاکستان توں چاول درآمد کریسی ، میکسیکونال تجارتی تے پارلیمانی رابطے دا نواں دور شروع تھئے ۔ پارلیمانی اتے تجارتی تعاون پاکستان اتے میکسیکو کوں مزید نیڑے گھن آونڑ اچ مددگار ثابت تھیسی ۔اے گال انہاں جمعے کوںمیکسیکو اچ زراعت دے اعلی حکومتی عہدیداراں نال ملاقات کریندے ہوئیں آکھی اے ۔ سلیم مانڈوی والا آکھیا جو میکسیکو پاکستان توں چاول درآمد کریسی ۔ پاکستان دے چاول تے میکسیکو اچ پابندی لاتی گی ہئی اے اساڈی اہم کامیابی اے۔ ڈپٹی چیئرمین آکھیا جو پاکستانی چاول میکسیکو اچ پسند کیتے ویندے ہن۔ میکسیکو نال تجارتی تے پارلیمانی رابطے دا نواں دور شروع تھئے ۔انہاں آکھیا جو پارلیمانی اتے تجارتی تعاون پاکستان اتے میکسیکو کوں مزید نیڑے گھن آونڑ اچ مددگار ثابت تھیسی ،اساکوں خطے تے بین الاقوامی سطح تے ترقی اتے خوشحالی کیتے رل تے کم کرنڑاں ہوسی ۔
