اسلام آباد ۔ 13 نومبر (اے پی پی)کابینہ دی اقتصادی رابطہ کمیٹی کنڑک دے امدادی ملھ اچ 50 روپے فی منڑ ودھارے دی منظوری ڈے ڈتی،نواں ملھ 1350 روپے ہوسی۔اقتصادی رابطہ کمیٹی دا اجلاس وزیر اعظم دے مشیر برائے خزانہ ڈاکٹر عبدالحفیظ شیخ دی زیرصدارت اسلام آباداچ تھئے ۔اجلاس اچ ای سی سی کنڑک دی امدادی قیمت اچ 50 روپے ودھارے دے نال نواں ملھ 1350 روپے فی منر مقرر کیتے۔امدادی قیمت ودھاونڑ دافیصلہ کساناں دے اوکھ اتے عالمی منڈی اچ کنڑک دے ملھ کوں ڈیہدے ہوئے کیتا گئے۔ اجلاس اچ اہم ملکی اقتصادی امور دا جائزہ گھندے ہوئے صارفین دے سوکھ کیتے بئے اہم فیصلے وی کیتے گین۔
