کرتار پورراہداری کھلنر نال سکھاں دے دل پاکستان نال جڑ گئے،پاکستان زندہ باد،جیوے عمران خان دے نعرے

اسلام آباد ۔ 09 نومبر (اے پی پی) باگورنانک دے 550 ویں جنم ڈینہہ دیاں تقریباں اچ آونڑ آلے سکھ یاتریاںپاکستان حکومت دا شکریہ اداکریندے ہوئے پاکستان زندہ باد اتے عمران خان دے حق اچ نعرے لائن اتے پنجابی اچ گا تے انہاں کوں خراج تحسین پیش کیتے۔انہاں دا آکھنڑ ہا جو اساں پاکستان دا اے احسان کڈاھین نئین بھل سگدے،پورے جگ دے سکھاں دے دل اچ گورو دھرتی دی محبت پہلے توں ودھ گئی اے ہر کوئی کرتارپور یاترا کیتے بے چین اے، پاکستان اقلیتاں کیتے جنت توں گھٹ کائنی،کرتار پور صاحب دی زیارت کر تے اکھیں ٹھر پین، اتنے گھٹ ویلھے اچ منصوبہ پورا کر ڈکھاونڑ ہک عجوبہ اے۔انہاں حیرت کیتی جوپاکستان اچ جیوں غیر مسلماں کوں مذہبی آزادی اے او بئے کہین ملک اچ کائنی،سکھاں کیتے وزیراعظم عمران خان دیاں کوششاں ساڈے کیتے قابل احترام ہین جین ساکوں اتنا قیمتی تحفہ ڈتے،ساکوں جانڑ تے خوشی اے جو پیار و محبت ونڈنڑ اچ پاکستان اتے مسلماناں دا کوئی ثانی کائنی۔